Təqvim
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
Bizi izləyin
Sorğu
 

Hansı tamaşa xoşunuza gəldi?


 
 
Afişa
Tarix:   10-10-2019, 12:25   |   Bölmə:   Xəbərlər
Sumqayıt Dövlət Dram Teatrında duyğulu anlar yaşandı...

Sumqayıt Dövlət Dram Teatrı hər zaman həm kreativ layihələri ilə, həm də dövlətçilik, azərbaycançılıq, Azərbaycan məfkurəsinə xidməti ilə önəmli işlər görmüş.və fərqlənmişdir. Uğurlu layihələrdən biri də mütəmadi olaraq həftəsonu tamaşalarının nümayişidir.
Oktyabr ayında anşılaqla keçən həftəsonu tamaşalarından “Ocaq”-ın nümayişində duyğusal məqamlar yaşandı. Teatr kollektivi tamaşa bitdikdən sonra səbrsizliklə oğlunun hərbi xidmətini ləyaqətlə başa vurub doğma Sumqayıta gəlişini gözləyən Əsgər Anasına surpriz etdi. Vətənə xidmətdən qayıtdıqda məhz teatrda, anasının mədəni istirahətini keçirdiyi məkanda ona bu həyacanlı, sevincli anları yaşatmaq istəyən Azərbaycan Əsgərinin bu addımı hər kəs tərəfindən alqışlandı.
Şərhlər:   0   |   Baxış:   16
Tarix:   24-09-2019, 15:30   |   Bölmə:   Xəbərlər
Sumqayıt Dövlət Dram Teatrı 51-ci teatr mövsümünü “Solğun çiçəklər” ilə açdı...

Sumqayıt Dövlət Dram Teatrında 21.09.2019-cu il tarixində 51-ci mövsümün açılışı reallaşdı. Teatrın yaradıcı heyəti yeni mövsümdə tamaşaçıların görüşünə Cəfər Cabbarlının “Solğun çiçəklər” əsəri ilə gəldi. Azərbaycan Respublikası Prezidentinin sərəncamı ilə C.Cabbarlının 120 illiyi bu il ölkədə xüsusi qeyd olunur. Məhz buna görə də teatr Mədəniyyət nazirinin sifarişi ilə ölməz dramaturqa müraciət etmişdir. Televiziya və kino sahəsində uğurlu filmlərin rejissoru olmuş Elşən Zeynallı “Solğun çiçəklər”ə müasir yozumda təhlil vermişdir. Nəticədə uzun illər müxtəlif teatrların repertuarında yer almış məşhur pyes Sumqayıt teatrında özünün tam fərqli, yeni səhnə taleyini yaşadı.


Şərhlər:   0   |   Baxış:   39
Tarix:   11-09-2019, 15:32   |   Bölmə:   Xəbərlər
Sumqayıt Dövlət Dram Teatrı sentyabr ayının repertuarını təqdim edir.

Hörmətli Sumqayıtlılar və şəhərimizin qonaqları!
Sumqayıt Dövlət Dram Teatrı 51-ci teatr mövsümü sentyabr ayının repertuarını diqqətinizə təqdim edir.
21.09.2019 saat 18:00-da 51-ci teatr mövsümünün açılışı C.Cabbarlı “Solğun çiçəklər” (premyera)

Şərhlər:   0   |   Baxış:   209
Tarix:   4-09-2019, 01:32   |   Bölmə:   Xəbərlər
Sumqayıt Dövlət Dram Teatrı 51-ci teatr mövsümünə start verdi

50-ci teatr mövsümünü müvəffəqiyyətlə başa vuran Sumqayıt Dövlət Dram Teatrında 51-ci mövsümün ilk toplantısı keçirildi. Teatrın direktoru Əməkdar artist Mübariz Həmidov hər kəsi salamladı, cari mövsümün kollektiv üçün məhsuldar il olmasını arzuladı. Direktor ötən il hazırlanan müxtəlif janrlı tamaşalardan, həyata keçirilən yeni layihələrdən, hər birinin uğurla nəticələnməsindən və bu proqresin davamlılığından danışdı. Prezident İlham Əliyevin böyük dramaturq-yazıçı C.Cabbarlının yubileyi ilə əlaqədar verdiyi sərəncama əsasən sənət ocağında “Solğun çiçəklər” faciəsinin hazırlanaraq 51-ci mövsümün açılışında nümayiş etdirilməsinin nəzərdə tutulduğunu deyən Mübariz Həmidov eyni zamanda teatrımızın, incəsənətimizin dünya miqyasında tanıdılması üçün kollektivimizin öhdəsinə düşən məsuliyyəti vurğuladı.
Şərhlər:   0   |   Baxış:   157
Tarix:   20-07-2019, 22:30   |   Bölmə:   Xəbərlər
Sumqayıt Dövlət Dram Teatrında mükafatlandırma mərasimi keçirildi.

Sumqayıt Dövlət Dram Teatrının direktoru əməkdar artist Mübariz Həmidovun təşəbbüsü ilə son vaxtlar həm tamaşaçı ilə yeni ünsiyyət formasının güclənməsinə, həm də yaradıcı heyətə stimul verilməsinə xidmət edən bir çox kreativ layihələr gerçəkləşmişdir. 19 iyul mövsümün bağlanışından sonra 20 iyulda kollektivdə mükafatlandırma mərasimi keçirilmişdir. Belə ki teatrın yaradıcı və texniki heyətini əhatə edən müxtəlif nominasiyalar üzrə qaliblər elan edilmişdir. Qeyd edək ki, qaliblərin seçimi münsiflər heyəti tərəfindən səsvermə yolu ilə həyata keçirilmişdir.
Şərhlər:   0   |   Baxış:   89
Tarix:   4-07-2019, 15:35   |   Bölmə:   Xəbərlər
Sumqayıt Dövlət Dram Teatrında mövsümü mükafat təsis edilib.

Sumqayıt Dövlət Dram Teatrı premyeralarla, yeniliklərlə, layihələrlə, yubileylərlə zəngin bir mövsümü tamamlamaq üzrədir. Cari mövsümdə 50 illik yubileyini qeyd edən teatr kollektivi uğurlu layihələrlə tamaşaçılarda teatr sevgisini artırmağa nail oldu. Ümumilikdə mövsüm ərzində baş verən canlanmanı, kollektivin böyük şövqlə çalışmasını nəzərə alan teatrın direktoru Əməkdar artist Mübariz Həmidov yaradıcı heyəti sevindirəcək təklif irəli sürdü.
Sumqayıt Dövlət Dram Teatrı yaradıcı və texniki heyəti arasında istedadın və peşəkarlığın qiymətləndirilməsi, peşə stimulunun artırılması, bədii dəyəri ilə fərqlənən tamaşaların teatr ictimaiyyətinə təqdim edilməsi, həmçinin mövsüm ərzində hazırlanmış ən uğurlu səhnə əsərlərinin, ayrı-ayrı ifaçıların və texniki işçilərin mükafatlandırılması məqsədilə “Busmedia” reklam şirkəti ilə birgə “Rampa” milli teatr mükafatı təsis etmişdir.

Şərhlər:   0   |   Baxış:   273
Tarix:   18-06-2019, 20:27   |   Bölmə:   Xəbərlər
"Dəfn edilməmiş ölülər"  Sumqayıt Dövlət Dram Teatrında

Sumqayıt Dövlət Dram Teatrının rəhbərliyi hər zaman istedadlı gənclərə dəstək olmağı özünün başlıca prinsipi sayıb. Azərbaycan Dövlət Mədəniyyət və İncəsənət Universitetinin diplomantı Ümid Abbasın kollektivimizdə ərsəyə gətirdiyi tamaşa buna bariz sübutdur. Əməkdar incəsənət xadimi, tanınmış rejissor Mehriban Ələkbərzadənin tələbəsi Ümid Abbas diplom işini Sumqayıt Dövlət Dram Teatrının aktyorları ilə hazırlayıb. Gənc rejissor dünya ədəbiyyatının nəhənglərindən olan Sartra müraciət edib. "Dəfn edilməmiş ölülər" psixoloji dramdır. Rolları əməkdar artist Cəlal Məmmədov, aktyorlar İlahə Səfərova, Şəmistan Süleymanlı, Kamran Muradlı, Elmir Mehdiyev və Aynur Hümmətova canlandırırlar.
Şərhlər:   0   |   Baxış:   267
Tarix:   30-05-2019, 11:37   |   Bölmə:   Xəbərlər
Tamaşalar haqda tamaşaçı rəyi

Sumqayıt Dövlət Dram Teatrı cari mövsümdə yeni layihələr, PR kompaniyalar həyata keçirərək teatra tamaşaçı axınının artmasına nail olmuşdur. Buna təkan verən amillərdən biri və önəmli faktor repertuar siyasətinin qurulmasından tutmuş ən kiçik nüanslara qədər tamaşaçı fikrinin nəzərə alınmasıdır. Son 3 ayda teatrın tamaşalar barədə rəy kitabına yazılan tamaşaçı rəylərini, təklif və iradlarını diqqətinizə çatdırırıq.
Şərhlər:   0   |   Baxış:   349